Traha ku pantaya
Kasi nos no por imaginá nos sierto sitio di trabou sin kòmpiuter. Spesialmente trabou atministrativo ta sosodé mas i mas ku kòmpiuter. Si un trahadó ta sinta dos ora siguí tras di pantaya di un kòmpiuter, e siguiente konsehonan ta konta.
Posishon korekto di traha.
Ta importante pa sinta stret dilanti pantaya. Mester pone teklado règt dilanti di trahadó, den un liña ku pantaya. Asina ta evitá un posishon di traha tur di banda.
Sòru pa bon sosten pa e lomba (mira rúbrika: Stul i büro adekuá) i evitá un posishon di traha ku lomba doblá.
Kasi nos no por imaginá nos sierto sitio di trabou sin kòmpiuter. Spesialmente trabou atministrativo ta sosodé mas i mas ku kòmpiuter. Si un trahadó ta sinta dos ora siguí tras di pantaya di un kòmpiuter, e siguiente konsehonan ta konta.
Posishon korekto di traha.
Ta importante pa sinta stret dilanti pantaya. Mester pone teklado règt dilanti di trahadó, den un liña ku pantaya. Asina ta evitá un posishon di traha tur di banda.
Sòru pa bon sosten pa e lomba (mira rúbrika: Stul i büro adekuá) i evitá un posishon di traha ku lomba doblá.
Dor di uza un teklado den un posishon plat ta evitá ku ta lanta e pòlsnan. Pa un bon sosten di brasa i pòls mester sòru pa man di stul di ofisina ta bon ahustá i pa tin sufisiente espasio riba büro pa sosegá pòls. Ora ta taip teksto for di blachi ta konsehabel pa uza un teneblachi ku tin ku pone na e mesun distansia di bista ku e pantaya.
Stul i büro adekuá
Un stul ahustabel den altura ta esensial pa un posishon korekto di traha. Altura di sinta mester ta ahustá di tal manera ku pia ta plat abou riba suela ku un huki di entre 90º pa 100º den rudia. Si e pianan no ta yega suela, mester ahustá e büro mas abou òf, si esei no por, mester kumpra un krùk chikí pa pia. Den kaso ku e trahadó ta largu i e no tin un büro ahustabel den altura, por yega na e altura korekto di büro dor di pone e büro riba blòki. Man di stul mester ta di tal manera ahustá ku brasa ta sosegá riba büro i riba man di stul, ku un huki di 90º den èlebog.
Sosten di lomba di stul ta bon ahustá ora trahadó ta haña sosten parti abou di lomba (kavidat lumbal) i ta hañ’é manera fòrsá na sinta règt riba su kurpa.
Un stul ahustabel den altura ta esensial pa un posishon korekto di traha. Altura di sinta mester ta ahustá di tal manera ku pia ta plat abou riba suela ku un huki di entre 90º pa 100º den rudia. Si e pianan no ta yega suela, mester ahustá e büro mas abou òf, si esei no por, mester kumpra un krùk chikí pa pia. Den kaso ku e trahadó ta largu i e no tin un büro ahustabel den altura, por yega na e altura korekto di büro dor di pone e büro riba blòki. Man di stul mester ta di tal manera ahustá ku brasa ta sosegá riba büro i riba man di stul, ku un huki di 90º den èlebog.
Sosten di lomba di stul ta bon ahustá ora trahadó ta haña sosten parti abou di lomba (kavidat lumbal) i ta hañ’é manera fòrsá na sinta règt riba su kurpa.
Bon posishon di pantaya
Distansia di bista ideal fo’i pantaya ta entre 35 cm i 70 cm. Sòru pa distansia pa wak fo’i pantaya i posibel dokumento ta mas o ménos meskos. Si ta traha (práktikamente) siegu
ku teklado, ta mihó si posishoná rant ariba di pantaya riba nivel di wowo. Ora ta wak teklado ku regularidat, ta mihó baha pantaya un tiki asina.
Pone pantaya den un posishon rektangular ku bentana i sòru pa no tin reflekshon di lus riba pantaya, dor di kèntel pantaya ménos posibel bai patras. Uza lèter (i otro seña) skur riba un fondo kla riba bo pantaya, pa evitá kansansio den wowo.
Variashon den trabou
Sòru pa variashon den trabou. Ora ta traha kontinuamente tras di pantaya mester varia e trabou kada dos ora ku otro tipo di trabou òf pousa (mas o ménos 10 minüt).
Ta konsehabel pa no sinta mas ku 5 pa 6 ora pa dia dilanti un pantaya.
