Kiko ta RSI?
Keho na brasa i man komo konsekuensia di fòrsamentu di kurpa ta algu ku ta presentá ku regularidat. Ta relashoná un parti importante di e kehonan akí ku hasimentu di kada bes e mesun tipo di moveshon durante di trabou.
RSI (repetitive strain injury) ta e nòmber pa tur keho i afekshon ku ta surgi ora bo hasi e mesun moveshonnan pa largu tempu (trabou ripititivo) òf ora bo kurpa ta den e mesun posishon. E kehonan ta paresé na garganta, skouder, brasa, man i dede. Uzadónan di kòmpiuter sa papia tambe di man di raton (muisarm).
Sinembargo no ta serka uzadónan di kòmpiuter so ta haña RSI. Vários fishi ta kore riesgo pa motibu di hopi moveshon ku ta ripití, manera den kaso di kahero, mèslá, surtidó di pòst i trahadó di trabou den kadena (lopende band).
Keho na brasa i man komo konsekuensia di fòrsamentu di kurpa ta algu ku ta presentá ku regularidat. Ta relashoná un parti importante di e kehonan akí ku hasimentu di kada bes e mesun tipo di moveshon durante di trabou.
RSI (repetitive strain injury) ta e nòmber pa tur keho i afekshon ku ta surgi ora bo hasi e mesun moveshonnan pa largu tempu (trabou ripititivo) òf ora bo kurpa ta den e mesun posishon. E kehonan ta paresé na garganta, skouder, brasa, man i dede. Uzadónan di kòmpiuter sa papia tambe di man di raton (muisarm).
Sinembargo no ta serka uzadónan di kòmpiuter so ta haña RSI. Vários fishi ta kore riesgo pa motibu di hopi moveshon ku ta ripití, manera den kaso di kahero, mèslá, surtidó di pòst i trahadó di trabou den kadena (lopende band).
Kiko por ta konsekuensia di RSI?
Serka trabou ripitivo, hopi biaha skouder i lomba ta keda kontinuamente den e mesun posishon, miéntras dede, pòls i èlebog ta keda hasi e mesun moveshon ‘ripitivo’ hinter ora bai.
Keho serio di RSI por resultá den un estadio kaminda no por uza brasa, dede òf pòls mes mas sin sinti doló. Ta importante pa rekonosé RSI den un estadio tempran i pa hasi algu n’e.
Serka RSI ta distinguí tres fase, ku ta varia di keho leve te keho pisá.
Fase 1: fase inisial
Man, pòls, brasa, garganta i skouder ta hinka, ta sensitivo òf kansá. E kehonan ta paresé durante òf djis despues di trabou i ta disparsé hopi biaha ku sosiegu nòrmal anochi òf den wikènt. Mayoria biaha e kehonan ta soportabel ainda, pero nan no ta pasa di mes. Si tuma medida e kehonan ta disparsé kompletamente.
Fase 2: fase avansá
No tin un relashon mas ku sierto tarea, e doló ta paresé ki ora ku ta. E doló ta varia entre un sensashon di hinkamentu leve te kimamentu. Garganta, skouder, brasa, pòls i man ta super sensitivo òf te asta sin heful. E kehonan no ta disparsé mas ku sosiegu nòrmal anochi òf den wikènt. Si esaki ta e kaso, ta importante pa konsultá bo dòkter di kas òf dòkter di trabou.
Fase 3: fase permanente
E doló ta persistente, trahamentu (kasi) no ta posibel mas.Te asta tarea chikí manera kue un kòpi ya ta doloroso. Forsa den brasa i man ta minimal. Den e fase akí, tratamentu tin tiki chèns pa ta eksitoso.
Ki medida mester tuma?
Inkorporá pousa.
Maske ta drùk, sòru pa bo hinka sufisiente momentu di sosiegu durante trabou. Pa trabou riba pantaya ta konta: despues di kada 2 ora di trabou riba pantaya, hasi otro tipo di trabou durante 10 minüt.
Varia tarea i posishon
Sòru pa sufisiente variashon di tarea ora bo ta traha: hasi yamada telefóniko, skibi, taip, faks, lesa. Purba tambe, mas tantu posibel, na varia sintamentu ku paramentu.
Variashon den uzo di kòmpiuter
Ora ta traha na kòmpiuter, posishon’é di tal manera ku no solamente bo ta traha ku raton, pero tambe ku e diferente teklanan dje teklado (toetsenbord).
Sòru di posishoná bo kòmpiuter bon, meskos tambe ahustá bo stul i büro korektamente. Kana bai serka kolega ku mas frekuensia na lugá di uza telefòn òf pòst interno.
Yena e interupshonnan di 10 minüt for di trabou di kòmpiuter, ku ehersisio, otro trabou i/òf kanamentu.
Serka trabou ripitivo, hopi biaha skouder i lomba ta keda kontinuamente den e mesun posishon, miéntras dede, pòls i èlebog ta keda hasi e mesun moveshon ‘ripitivo’ hinter ora bai.
Keho serio di RSI por resultá den un estadio kaminda no por uza brasa, dede òf pòls mes mas sin sinti doló. Ta importante pa rekonosé RSI den un estadio tempran i pa hasi algu n’e.
Serka RSI ta distinguí tres fase, ku ta varia di keho leve te keho pisá.
Fase 1: fase inisial
Man, pòls, brasa, garganta i skouder ta hinka, ta sensitivo òf kansá. E kehonan ta paresé durante òf djis despues di trabou i ta disparsé hopi biaha ku sosiegu nòrmal anochi òf den wikènt. Mayoria biaha e kehonan ta soportabel ainda, pero nan no ta pasa di mes. Si tuma medida e kehonan ta disparsé kompletamente.
Fase 2: fase avansá
No tin un relashon mas ku sierto tarea, e doló ta paresé ki ora ku ta. E doló ta varia entre un sensashon di hinkamentu leve te kimamentu. Garganta, skouder, brasa, pòls i man ta super sensitivo òf te asta sin heful. E kehonan no ta disparsé mas ku sosiegu nòrmal anochi òf den wikènt. Si esaki ta e kaso, ta importante pa konsultá bo dòkter di kas òf dòkter di trabou.
Fase 3: fase permanente
E doló ta persistente, trahamentu (kasi) no ta posibel mas.Te asta tarea chikí manera kue un kòpi ya ta doloroso. Forsa den brasa i man ta minimal. Den e fase akí, tratamentu tin tiki chèns pa ta eksitoso.
Ki medida mester tuma?
Inkorporá pousa.
Maske ta drùk, sòru pa bo hinka sufisiente momentu di sosiegu durante trabou. Pa trabou riba pantaya ta konta: despues di kada 2 ora di trabou riba pantaya, hasi otro tipo di trabou durante 10 minüt.
Varia tarea i posishon
Sòru pa sufisiente variashon di tarea ora bo ta traha: hasi yamada telefóniko, skibi, taip, faks, lesa. Purba tambe, mas tantu posibel, na varia sintamentu ku paramentu.
Variashon den uzo di kòmpiuter
Ora ta traha na kòmpiuter, posishon’é di tal manera ku no solamente bo ta traha ku raton, pero tambe ku e diferente teklanan dje teklado (toetsenbord).
Sòru di posishoná bo kòmpiuter bon, meskos tambe ahustá bo stul i büro korektamente. Kana bai serka kolega ku mas frekuensia na lugá di uza telefòn òf pòst interno.
Yena e interupshonnan di 10 minüt for di trabou di kòmpiuter, ku ehersisio, otro trabou i/òf kanamentu.
