Rekonosé i atendé strès den situashon di trabou
- Bo tin doló’i kabes stret bai i bo ta iritá hopi lihé.
- Kos no ta bai dushi na trabou i bo konsentrashon ta malu.
- Kada bes bo ta bai trabou ku mas disgustu.
- Hopi biaha bo ta yega kas kansá, pero bo no ta logra saka trabou for di bo mente.
- Hopi biaha bo ta drumi inkietu i ta lanta kansá….
Bo ta rekonosé tur esaki? A bira tempu e or’ ei pa bo hasi bo mes e pregunta: kuantu strès mi tin pa motibu di mi trabou?
Strès di mas òf kima pa motibu di trabou no ta un fenómeno eksepshonal. No ta ko’i mimu tampoko
Kousa di tenshon
‘Balansa’ ta un konsepto kardinal ora ta trata di strès: balansa entre loke ta eksigí di bo (entre otro bo mes ta hasié) i loke bo por dil kuné. Den terminologia sikológiko ta yama esaki e balansa entre un hende su peso di karga i su forsa di karga.
Ora ku e eksigensianan ku ta pone pa bo ta kuadra ku loke bo por dil kuné, ta papia di tenshon òf strès salú. Peso di karga i forsa di karga ta den balansa.
Problema ta surgi ora peso di karga bira mas grandi ku forsa di karga i e situashon akí dura largu.
E or’ei balansa ta keda lèn bai un banda so. Nos kurpa ta agotá su mes mas i mas den un intento pa kumpli ku e eksigensianan hasí.
E síntomanan físiko mas prinsipal por ta:
E síntomanan mental mas prinsipal por ta:
sintimentu hanshá, krepchi, iritá, abatí, yora lihé, sinta pensa, ku ansha, ku difikultat pa gosa, sin smak, sin energia, indesisivo, no por konsentrá, lubidá lihé, insigur i ku konfiansa propio abou.
E síntomanan den komportashon por ta:
presta ménos i hasi mas eror, huma mas i mas òf uza hopi bibida stèrki òf droga, uza mas píldora kalmante òf pa drumi, evitá kontakto sosial mas i mas.
Kiko bo mes por hasi?
Importante ta pa bo saminá serka bo mes kiko ta e okashonadónan prinsipal di strès serka bo. Por repartí nan den kousa ku ta oumentá peso di karga i kousa ku ta baha forsa di karga. Mester buska kousa tantu na trabou, komo den bo situashon di kas i bo personalidat.
Peso di karga
Faktornan di peso na trabou por ta riba tereno di:
kontenido di trabou (ki tipo di trabou? kon ta ehekut’é?)
relashon di trabou (relashon ku hefe, relashon ku kolega)
sirkunstansia di trabou (bochincha, agreshon, intimidashon, tentamentu, material peligroso)
kondishon di trabou (orario di trabou, fakansi, seguridat, posibilidat pa hasi karera).
Pero eksigensia ku bo mes ta pone pa bo mes tambe ta determiná bo peso di karga.
Forsa di karga
Forsa di karga ta determiná karakterístikanan di bo personalidat, manera konfiansa propio, perfekshonismo i independensia. Pero bo estilo di bida tambe ta hunga un papel den bo forsa di karga: komementu salú, humamentu, uzo di alkohòl, moveshon i rekreashon. Un kurpa fet tin su reperkushon riba loke bo por dil kuné.
Na bo trabou ta bo doño di trabou òf hefe ta bo promé punto di referensia. Ta e ta responsabel pa bon kondishon di trabou. Pa esaki e dunadó di trabou ta buska hopi biaha asistensia di ARBO CONSULT. Bo mes tambe por akudí serka e dòkter di empresa òf trahadó sosial-empresarial di ARBO CONSULT si bo tin pregunta òf problema.
Strès di mas òf kima pa motibu di trabou no ta un fenómeno eksepshonal. No ta ko’i mimu tampoko
Kousa di tenshon
‘Balansa’ ta un konsepto kardinal ora ta trata di strès: balansa entre loke ta eksigí di bo (entre otro bo mes ta hasié) i loke bo por dil kuné. Den terminologia sikológiko ta yama esaki e balansa entre un hende su peso di karga i su forsa di karga.
Ora ku e eksigensianan ku ta pone pa bo ta kuadra ku loke bo por dil kuné, ta papia di tenshon òf strès salú. Peso di karga i forsa di karga ta den balansa.
Problema ta surgi ora peso di karga bira mas grandi ku forsa di karga i e situashon akí dura largu.
E or’ei balansa ta keda lèn bai un banda so. Nos kurpa ta agotá su mes mas i mas den un intento pa kumpli ku e eksigensianan hasí.
E síntomanan físiko mas prinsipal por ta:
- kansansio persistente,
- insomnia (difikultat pa drumi),
- doló di múskulo,
- doló di kabes,
- doló di lomba,
- keho di stoma i tripa,
- falta di apetit,
- resistensia abou kontra malesa,
- batimentu di kurason,
- preshon haltu di sanger,
- kolesteròl haltu.
E síntomanan mental mas prinsipal por ta:
sintimentu hanshá, krepchi, iritá, abatí, yora lihé, sinta pensa, ku ansha, ku difikultat pa gosa, sin smak, sin energia, indesisivo, no por konsentrá, lubidá lihé, insigur i ku konfiansa propio abou.
E síntomanan den komportashon por ta:
presta ménos i hasi mas eror, huma mas i mas òf uza hopi bibida stèrki òf droga, uza mas píldora kalmante òf pa drumi, evitá kontakto sosial mas i mas.
Kiko bo mes por hasi?
Importante ta pa bo saminá serka bo mes kiko ta e okashonadónan prinsipal di strès serka bo. Por repartí nan den kousa ku ta oumentá peso di karga i kousa ku ta baha forsa di karga. Mester buska kousa tantu na trabou, komo den bo situashon di kas i bo personalidat.
Peso di karga
Faktornan di peso na trabou por ta riba tereno di:
kontenido di trabou (ki tipo di trabou? kon ta ehekut’é?)
relashon di trabou (relashon ku hefe, relashon ku kolega)
sirkunstansia di trabou (bochincha, agreshon, intimidashon, tentamentu, material peligroso)
kondishon di trabou (orario di trabou, fakansi, seguridat, posibilidat pa hasi karera).
Pero eksigensia ku bo mes ta pone pa bo mes tambe ta determiná bo peso di karga.
Forsa di karga
Forsa di karga ta determiná karakterístikanan di bo personalidat, manera konfiansa propio, perfekshonismo i independensia. Pero bo estilo di bida tambe ta hunga un papel den bo forsa di karga: komementu salú, humamentu, uzo di alkohòl, moveshon i rekreashon. Un kurpa fet tin su reperkushon riba loke bo por dil kuné.
Na bo trabou ta bo doño di trabou òf hefe ta bo promé punto di referensia. Ta e ta responsabel pa bon kondishon di trabou. Pa esaki e dunadó di trabou ta buska hopi biaha asistensia di ARBO CONSULT. Bo mes tambe por akudí serka e dòkter di empresa òf trahadó sosial-empresarial di ARBO CONSULT si bo tin pregunta òf problema.
